|
بإمكانك المشاركة فى الشوت بوكس عند وصولك ل 50 رد |
||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||
ســجـــل مــن هــنـــا
 لقاء فى شارع الثورة, اصطباحة لبلال فضل |
  Jul 29 2010, 11:19 AM
مشاركة
#1
|
||||
 عامل الناس بما تحب ان يعاملوك المجموعة: المـشـرفـات المشاركات: 7,110 التسجيل: 3-April 08 البلد: فى رحاب الله رقم العضوية: 19,698    |
لقاء فى شارع الثورة ■ المذيعة: مساء الخير عزيزى المواطن.. تحب حضرتك تشترك معانا فى البرنامج؟ ـ المواطن: على حسب الاشتراك بكام؟ ■ آه ده شكله عسل وهيتعبنا.. يا فندم أنا قصدى تشترك معانا برأيك. ـ والله يافندم أنا لو كان عندى رأى أحب أحتفظ بيه لنفسى. ■ حضرتك مكبر الموضوع ليه.. ده برنامج إذاعى بنحتفل فيه بذكرى الثورة. ـ يا فرج الله.. هى الثورة قامت أخيراً؟.. والله ماحد قال لى. ■ لا حول الله يارب.. عزيزى المواطن إحنا بنتكلم عن ثورة يوليو بتاعة الزعيم جمال عبدالناصر. ـ أيوه عارفه.. جمال عبدالناصر مبارك.. شاب أمير وربنا هينصره علينا إن شاء الله. ■ لا مش هينفع كده خالص.. شوفوا لنا مواطن تانى والنبى.. عشان اليوم المجيد ده يعدى. المعد: باقولك إيه يا هانم.. ده المواطن المتاح دلوقتى.. مشى حالك بيه لحد ما نلاقى غيره. ـ يا فندم حضرتك متعصبة ليه.. أنا باهزر معاكى.. حد ما يعرفش ثورة يوليو.. مش دى اللى ثورة أطلقها جمال.. وإحنا حفرنا القنال وبعدين حررناه وبنفكر نبيعه دلوقتى.. أنا راكب معاكى فى البرنامج.. اتفضلى. ■ الصبر من عندك يا رب.. حضرتك ممكن نبتدى نسجل بس أستسمحك الإجابة تبقى على قد السؤال. ـ والنبى البرنامج ده هيبقى عسل.. إنتى بس شوطى وربنا هيكرمنا. ■ المذيعة: أعزائى المشاهدين كل عام وأنتم بخير.. فى هذا اليوم المجيد نزلنا إلى شارع الثورة لننقل فرحة المواطنين بهذا اليوم التاريخى الذى غير وجه مصر.. التقينا بأحد المواطنين وسألناه عن رأيه فى مبادئ ثورة يوليو؟ ـ هى ثورة يوليو عندها مبادئ. والله ماكنت أعرف. ■ أيوه يا فندم ثورة يوليو عندها ست مبادئ. ـ يا عينى.. ده الواحد مننا بيبقى عنده مبدأ بيطلع عينه فى الزمن ده وهى عندها ستة.. الله يكون فى عونها. ■ إيه اللى حصل للناس بس يا رب. يا سيد يا محترم مبادئ يعنى أهداف. ـ والله.. يعنى الثورة عندها ست أهداف زى الأهلى كده.. وجابتهم فى مين؟ ■ ماهو ده السؤال يا فندم؟ فى رأيك كابن من أبناء مصر بعد مرور 58 عاماً على الثورة ما الذى تحقق من أهداف ثورة يوليو؟ ـ إنتى مش بتقولى إنها جابت ست أهداف خلاص. ■ يا بنى آدم إفهم الثورات غير الماتشات.. الثورة بتيجى بأهداف وبعد كده بتحققها. فهمت؟ ـ أيوه فهمت.. يعنى فى الماتش بنلعب عشان نحط الهدف.. فى الثورة بنحط الهدف وبعد كده بنلعب فيه.. والنبى ماتتنرفزى يا ست هانم.. أصل أنا والله أول مرة أسمع حكاية أهداف الثورة دى.. حضرتك قولى لى الهدف وأنا أعلق لك عليه بعون الله. ■ معقول برضه.. بص يا سيدى أول هدف من أهداف الثورة القضاء على الاستعمار وأعوانه، إيه رأى حضرتك فى هذا الهدف؟ ـ أرجوكى اعذرينى أنا ما احبش أجيب سيرة الاستعمار. ■ ليه إن شاء الله؟ ـ عشان أعوانه هيزعلوا.. وزعلهم أوحش من زعل الاستعمار ذات نفسه. ■ إنت غريب قوى على فكرة.. بلاش الاستعمار.. عندك مثلا من أهم أهداف الثورة كان القضاء على الاحتكار وسيطرة رأس المال على الحكم. ـ من فضلك أنا وافقت أسجل على أساس إن ده برنامج تاريخى.. ومش هتجيبوا سيرة أحمد باشا عز وحديد عز.. أنا عندى عيال وعايز أعالجهم. ■ إيه علاقة أحمد باشا عز وحديده بالموضوع يا أخينا. ـ مش بتقولى احتكار.. عايزه تخلينى أقول الكلام اللى بيقولوه عليه بتوع المعارضة إنه محتكر الحديد عشان هو صاحب جمال مبارك وأمين تنظيم الحزب الوطنى.. بصى بقى أنا شاكك فيكو بصراحة.. انتو من قناة إيه.. معاكو كارنيهات. ■ ييه ده هيقلب دماغنا.. بلاش يا سيدى الهدف ده.. خلينا فى هدف غيره.. عندك مثلا هدف القضاء على الإقطاع. ـ حضرتك بتتكلمى عن الثورة الفرنساوية ولا ثورة يوليو.. ممكن تورينى كده الورقة اللى بتقرى منها. ■ من فضلك ممكن تعلق على الهدف وانت ساكت. ـ إزاى يعنى.. أعلق وأنا ساكت إزاى؟ ■ قصدى تتكلم فى صلب الموضوع. ـ ما هو معلهش يا ست هانم.. إنتى عماله تقولى لى قضاء على الإقطاع وتحقيق العدالة الاجتماعية بين طبقات الشعب.. إنتى مش عايشه معانا فى البلد.. أنا حاسس إنك بتتبلى على ثورة يوليو وبتلزّقى لها أهداف من وراها.. أصل يعنى لو ثورة يوليو كانت بتهدف للكلام ده ماكانتش هتقعد 55 سنة من غير ما تحققه. ■ طب خلاص خلاص أنا هاختار لك هدف تانى وقول تعليقك بأدب لو سمحت.. وبلاش ألفاظ تلزّقى وتتبلِّى والكلام ده.. تهدف ثورة يوليو إلى إقامة حياة دستورية وديمقراطية سليمة.. حضرتك بتضحك ليه؟ ـ أصلى افتكرت إنها سليمة سليمة.. فاكره لما الكافر فى فيلم فجر الإسلام قال شلت يدى وبعدين ضحك عليهم وقال إنها سليمة سليمة.. آه ياكفرة.. إنها سليمة قال.  ■ طيب نكتفى بهذا القدر مع المواطن الكريم لكى نتيح الفرصة لعشرات المواطنين الذين يتسابقون خلف الكاميرا على إبداء رأيهم فى أهداف ثورة يوليو. كفاية كده أنا مش مكملة مع الراجل ده.. أبقى ست مش كويسة ويا رب أتنقل القناة التامنة لو كملت معاه. ـ المعد: طيب خلاص هدى نفسك يا هانم.. هنمشيه.. بس إنتى إهدى والنبى. ■ إيه ده.. مش ممكن.. ده لسه واقف هنا.. إنت يا أخينا ما تتوكل على الله وتمشى من هنا.. ما خلصنا التسجيل.. إنت واقف هنا ليه؟ ـ مستنى إعادة «الأهداف».  المصرى اليوم 29يوليو -------------------- نحن قومنا اعزنا الله بالاسلام فان ابتغينا العزة فى غيره ازلنا الله  لستُ مجبرةً أن أُفهم الآخرين من أنا ...فمن يملك مؤهِلات العقل والإحساس سأكـون أمـامهُ كالكِتاب المفتـوح وعليـهِ أن يُحسِـن الإستيعاب |
|||
 |
 
|
|||
 |
الردود
(1 - 6)
|
Jul 29 2010, 12:31 PM
مشاركة
#2
|
|
 Rock Of The SiTe المجموعة: Co-Admin المشاركات: 5,742 التسجيل: 24-February 07 البلد: My PC رقم العضوية: 2  Real Name:HaZeM Sobhy |
هههههههههههههههههههههههه
مواطن عسل اوى 
--------------------  لست كما يقولون , بل هناك من يحبني ... يرسمني بأجمل الصور وهناك من يكرهني ... يرسمني بأبشع الصور فلكل منهم فرشاه للرسم و يرسمني من وجهه نظره و لكن انـــــا .. ابقي أنـــــا My Facebook Profile |
|
|
|
|
Jul 30 2010, 02:17 PM
مشاركة
#3
|
|
 DaLo3a المجموعة: عـضـو مـهـم المشاركات: 4,396 التسجيل: 11-March 07 رقم العضوية: 209 Real Name:DaLo3a |
هههههههههه
والله الراجل دة يتعلق فى ميدان عام واللى رايح واللى جاى يديلة ع قفاه --------------------  |
|
|
|
|
Aug 3 2010, 12:03 AM
مشاركة
#4
|
|
 Change ur title from cpanel المجموعة: عـضـو مـهـم المشاركات: 1,969 التسجيل: 1-January 10 البلد: مصر رقم العضوية: 34,860  |
ههههههة
دا رزل قوى --------------------  اللهم اجرنا من النار |
|
|
|
|
Aug 3 2010, 12:56 AM
مشاركة
#5
|
|
 KIND HEART المجموعة: الـإدارة المشاركات: 13,271 التسجيل: 23-December 07 البلد: Egypt رقم العضوية: 12,681 Real Name:Azza |
بلال فضل مش محتاج جدال فى كلامه وأسلوبه الهزلى
بيخلينا نتقبل الوضع بشكل مريح شويه --------------------   _______________________________________  True love is like a pillowYou can hug it when you're in trouble You can cry on it when you're in pain You can embrace it when you're happy So when you need true love Buy a pillow |
|
|
|
|
Aug 3 2010, 01:34 AM
مشاركة
#6
|
|
 I'm alone المجموعة: عـضـو مـهـم المشاركات: 4,144 التسجيل: 28-October 09 البلد: 3 ELBA7R رقم العضوية: 34,380 Real Name:shimaa |
ههههههههههههههههههههههه
--------------------  |
|
|
|
|
Aug 3 2010, 10:19 PM
مشاركة
#7
|
|
 عيشة والسلام المجموعة: المـشـرفـات المشاركات: 4,049 التسجيل: 23-November 09 البلد: جزيرة فى وسط البحر رقم العضوية: 34,565 Real Name:Login Mahdy |
يا خفة
--------------------  اَللّهُمَّ اجْعَلْ صِيامي فيهِ صِيامَ الصائِمينَ، وَقِيامي فيهِ قِيامَ القائِمينَ، ونَبِّهْني فيهِ عَنْ نَوْمَةِ الْغافِلينَ، وهَبْ لي جُرمي فيهِ يا إلهِ الْعالَمينَ، وَاعْفُ عَنّي يا عافِياً عَنِ الْمُجْرِمينَ. |
|
|
|
 |
1 عدد القراء الحاليين لهذا الموضوع (1 الزوار 0 المتخفين)
0 الأعضاء:
|
نسخة خفيفة | الوقت الآن: |